Көкшетау қаласындағы филиал

Мен Сіздерді «Baltic Control Kazakhstan» ЖШС компаниясының атынан қарсы алғаныма қуаныштымын. Біздің компания әрдайым өз клиенттеріне бағытталған және тығыз және өнімді ынтымақтастыққа мүдделі.

Құрметпен, Бондаренко Елена Витальевна
Көкшетау қаласындағы «Baltic Control Kazakhstan» ЖШС директоры

Көкшетау қаласындағы «Baltic Control Kazakhstan»ЖШС өкілдігі 2007 жылдың тамыз айында құрылды, кейін 26.07.2013 ж. «Baltic Control KZ Certification» ЖШС филиалы құрылды, оның құрамына аккредиттелген сынақ зертханасы кіреді.

Сынақ зертханасында (СЗ) өнімнің сапасын сараптаудың барлық циклімен бірге жүретін рәсімдерді орындауға құзыретті жоғары білікті қызметкер бар.

СЗ сапа жүйесі семинарларға, курстарға бару, шет елдердің әріптестерімен үнемі тәжірибе алмасу, сондай-ақ бүкіл жұмыс мерзімі ішінде мерзімді ішкі аттестаттау арқылы мамандардың біліктілігін ұдайы арттыруға бағытталған.

Жоғары деңгейде сапа сараптамасын жүргізу үшін біздің зертхана ең сенімді және заманауи жабдықтармен жабдықталған, бұл бізге физика-химиялық сынаулардың кең спектрін өткізуге мүмкіндік береді. Біз тексерілген өндірушілердің сапалы жабдықтарын ғана таңдаймыз және берілген нәтижелердің шынайылығына толық сенімділік үшін сапаға ішкі бақылау жүргіземіз.

Бүгінгі күні СЗ аккредиттеу саласы өнімнің 15 атауын қамтиды:

• жұмсақ бидай
• қатты бидай
• арпа
• сұлы
• рапс тұқымы
• зығыр тұқымы
• күнбағыс
• қыша тұқымы
• соя
• нут
• асбұршақ
• ұсақ тұқымды/табақшалы жасымық
• бидай ұны
• бидай кебегі

СЗ аккредиттеу саласы жыл сайын нарық үрдістеріне байланысты кеңеюде.

Қызмет саласы

• консультациялық қызметтер
• өнімнің физикалық және химиялық қасиеттерінің сапасын сараптау
• өнімнің қауіпсіздігін бағалау
• сапа сертификаттарын шығару
• бос вагондарды тазалыққа, саңылаусыздыққа, залалдануға тексеру
• келісімшартты талдау және межелі елдің талаптары бойынша ұсынымдар беру
• тиеу алдындағы инспекция

Біздің мамандар халықаралық үлгідегі тиісті сертификаттарды бере отырып, әр түрлі импортталатын және экспортталатын жүктердің сапасы мен санын растау бойынша халықаралық инспекцияны жүзеге асырады.

Сапалы көрсеткіштерді анықтау Қазақстан Республикасының ұлттық стандарттары бойынша ғана емес, сонымен қатар жүргізілетін талдаулардың сапасын бағалаудың халықаралық жүйесі – ISO, ICC, ISIRI, EN бойынша да жүргізіледі.

Біздің зертханамыздың басты қағидаттары:

• орындаудың жедел мерзімдері;
• жоғары технологиялық жабдықтардың арқасында талдаудың ең жоғары дәлдігі;
• инспекциялық қызмет көрсету, сараптама, сынау және сертификаттау саласында еңбекті ұйымдастыруды және өзінің білімі мен дағдыларын үнемі жетілдіру;
• тапсырыс берушілердің белгіленген әдістері мен талаптарына сәйкес АЖ қызмет саласын құрайтын жұмыстардың барлық түрлерін орындау;
• сынақ нәтижелерінің дұрыстығын қамтамасыз ету;
• өндірушілер мен тұтынушылардың мүдделерін қорғау;
• орындалатын жұмыстардың құпиялылығы;
• тұтынушының сенімі мен мүдделілігін қолдау.

Біздің филиал базасында жүйелі түрде келісім-шарт негізінде Ш. Уәлиханов атындағы Көкшетау мемлекеттік университетінің тыңдаушылары, Шағалалы а. жоғары агротехникалық колледжінің студенттері, астық қабылдау кәсіпорындарының ӨТЗ меңгерушілері үшін тәжірибелік және теориялық семинар-тренингтер өткізіледі.